الغاء تدريب الاسماعيلي اليوم بسبب أزمة المستحقات المالية

لعنة الأهلي تطارد الاسماعيلي

الغاء تدريب الاسماعيلي اليوم بسبب أزمة المستحقات المالية ورفض اللاعبين النزول للتدريبات مطالبين بمستحقات ٦ شهور

والحقيقه من حق اللاعيبه مش معقول لاعب يفضل ٦ شهور من غير ما ياخد المستحقات بتاعته وفي نفس الوقت بتطالبه انه يكسب ويلعب لو هندور علي سبب تراجع نتائج الدراويش هذا الموسم هتلاقي سببين لا غير ..

الاول المستحقات..
مفيش لاعب هيعرف يلعب وهو ليه فلوس وعنده مسؤوليات ومشاكل واوعي تنتظر نتائج لأننا في عالم الإحتراف واول حاجه توفر الامكانيات وبدونها انسي .

التاني التفويت ..
ايوا التفويت هي لعنة أصابت الدراويش بسبب اللي بيعمله في ماتشات الأهلي عشان كده الاهلي بدأ الموسم ورزعه ٤ خلصوا عليه ومن ساعتها مش قادر يفوق يا ريت الاسماعيلي يتعلم من اللي بيحصل ويلعب كل مبارياته بشرف سواء قدام الأهلي او الزمالك لان مش هينفعه لا احمر ولا ابيض والنتيجة بقي مهدد بالهبوط فريق لعب ١٣ مباراة يخسر ٧ و يتعادل في ٥ ويفوز في مباراة وحيده ويقبع في قاع الدورى في المركز الأخير