ننشر سر عصير البنجر والفراوله

ننشر عصير البنجر والفراوله
العصير ده فى فتره من حياتى كبيرره كنت بعانى من نقص مناعه ونقص هيموجلوبين دايما كان 8 وكنت باخد علاج معين وبسببه مكانش عندى لا مناعه ولا هيموجلوبين ربنا جعل العصير ده سبب ف حياتى وكنت بشربه يوميا والحمد لله بفضل ربنا جعله سبب ورفع مناعتى المهم انا عملته تانى ف البيت وقولت اشارككم الوصفه يمكن حد يكون محتاجها

بنجرايه وسط غسلتها كويس وبعدين قطعتها طرنشات بقشرها وحطيتها ع النار مع نص كوب ميه تغلى لمده 5 دقايق بس بعدين بطفى عليها وخليها تبرد خااالص
ف الخلاط حطيت فراوله الكميه اللى تحبوها وع حسب عدد افراد الاسره وزودت عليها البنجر بالميه بتاعته وزودت سكر او عسل ابيض افضل وضربتهم كويس وبألف هنا
العصير مش بيتصفى
وطعمه فراوله