احذر الترجي يا أهلي
احذروا الترجي
رساله لكل شخص فاكر أن الاهلي امام نزهه ف نهائي افريقيا علينا الحذر من رجال الترجي
ترجي الموسم الماضي تغير شكلا وموضوعا وهديك مثال بسيط بثنائيه الفريق الدفاعيه ياسين مرياح ومحمد توغاي
ف الموسم الماضي نبيل معلول كان بيلعب جيم مفتوح وموسع الملعب علي لاعيبته طريقه لعب كشفت ثنائي الدفاع مرياح وتوغاي
ف الموسم ده كاردوسو خلي الفريق كومباكت اكتر فطريقه اللعب عملت حمايه لثنائي الدفاع
احذروا فريق متصدر الدوري التونسي ولعب 12 مباراه ف التمهيدي كسب 10 وتعادل اتنين وف الدور النهائي لعب 4 مبارايات كسب 3 وتعادل ف واحده ورغم مؤجلاته مازال متصدر
احذروا الترجي الفريق اللي لم تهتز شباكه باي هدف ف اخر 8 مبارايات افريقيه وايا كان المنافس فالشباك ستظل نظيفه
منظومه الترجي 2024 شبيهه بمنظومه الوداد 2017 الفريق اللي قادر يخطف هدف ويدافع عليه لو استمر اللقاء ساعتين
منظومه حلك الوحيد انك تجبرهم يجروا ورا النتيجه لأن ساعتها هيلعبوا بنمط لعب يخالف أساسيات المجموعه فهتظهر العيوب
فريق لو تقدم عليك بهدف قادر يستقتل دفاعيا بدفاع صلب وحارس واعد جيد اسمه امان الله مميش
فريق مميز ف الضربات الثابته ما له وما عليه وبيستغل اطوال ثنائي الدفاع مرياح وتوغاي
فريق معندوش لاعب ملفت أو مكمن الخطورة لكنه فريق قوته ف مجموعته ف التيم والمنظومة
مش بخوفك لانك قبل كل ده اسمك الاهلي لكن علينا بالحذر فنحن الاهلي نعم لكن أمام الترجي