أخصائي تغذية: 11 نصيحة لتجنب زيادة الوزن في رمضان

أكدت د. خلود الوراقي أخصائي التغذية العلاجية والسمنة، على أهمية الحفاظ على الوزن وعلى مستوى السكر في الدم خلال الصيام، وذكرت قوله تعالى “وكلوا واشربوا ولا تسرفوا إنه لا يحب المسرفين”، ثم اوضحت النصائح التالية:

١-اولا افطر علي ١ الي ٣ بلحات علي الاقصي مع المضغ جيدا وشرب كوب من المياة او لبن خالي الدسم ثم الصلاة (التمر مش بيعلي السكر متقلقش بس زي ما قلت من ١ ل٣).
٢-الفطار يبدأ بعد ربع ساعة من الاذان او من التمر وبعدها شرب شوربة خالية الدسم لتهيئة المعدة ويفضل اكل خضار مع البروتين المسلوق ويفضل صدر فرخة او سمكة مشوية او شوربة عدس بدون شعرية او شوربة خضار متنسوش الخضار.
٣-وجبة السحور اساسية الساعة ٢ عشان نقدر نستفيد بال١٦ ساعة صيام كاملين ونقدر نستفيد من حرق السكر وتخفيض مستوي السكر في الدم.
٤-وجبة السحور متكاملة من البروتين والكالسيوم ممكن زبادي وتضيف عليه فراولة ممكن توست بني مع فول او جبن قريش وبيض وهكذا لو مريض كوليسترول او دهون ثلاثية يكون بياض بيض فقط
٥-قلل الملح والسكر قدر الامكان.
٦معني كدة اني مينفعش نهائيا اكل حاجة حلوة او عصاير فريش لا مسموح بين السحور والفطار تاخد حاجة بسيطة من نفسك نصف كوب عصير فريش بدون سكر او قطعة حلوي صغيرة بين الوجبتين في وقت معين.
٧-شوية مكسرات بسيطة بدون ملح ومش متحمصة او لب سوري وابيض حفنة بسيطة مفيش مانع منها دهون مفيدة للجسم لمرضي السكر والكوليسترول بس ياريت تتاكل في وقت لوحدها عشان متعملش مشاكل في الهضم او عسر هضم لانها بتاخد وقت طويل في الهضم،
٨-الرياضة اما بعد الاكل ب٣ الي ٦ ساعات او قبل الفطار مباشرة وطبعا بعد الاكل افضل عشان المياة وبالذات لو يوم حر.
٩-شهر رمضان افضل شهر تقدر تخس فيه وتحافظ علي صحتك وتتقرب من ربنا وتخف من حدة شهوات الحياة كلها بشكل عام.
١٠-شهر رمضان لو فتحت فيه في الحلويات والسكريات هتخرج منه زايد جدا.
١١-الأطفال اللي بتصوم من ١٠ سنين لحد سن البلوغ يتسحروا الساعة ٣ ونصف.