نصائح مفيدة جداااااا ⁦⁦

نصائح مفيدة جداااااا ⁦⁦

الاسطورة بتقول الكركديه الساخن يعلي الضغط و الكركديه الساقع بيوطي الضغط (الكلام ده غلط)

طيب الصح ايه؟
الاتنين سخن وساقع بيوطوا الضغط
وعلى فكرة غلي الكركديه مع المياه بيكسر المواد الفعاله اللي فيه .يعني الخلاصه:
منقوع الكركديه في الماء البارد لفتره كويسه .او إضافة ماء ساخن له ويترك من 5 دقايق إلى 10 دقائق
* وبمناسبه الضغط في اعتقاد صحيح أن المالح والحادق يرفع الضغط دي تمام. … لكن الاعتقاد الخاطئ ان الحلو والعصير يوطي الضغط

بص ياسيدى الملح بيرفع ..والعصائر والسوائل برضه ممكن ترفع الضغط بنسب بسيطة لكن مش زي المالح

⭐الأسطورة بتقول بلاش نأكل سمك وبيض لو عندنا برد لأنهم بيزودوا البرد ويظهروه (كلام غلط خالص)

الصح ان السمك والبيض ملهومش تأثير في البرد وعادي ناكلهم مفيدين جدا أثناء البرد لأن البيض والسمك فيهم بروتين والبروتين عبارة عن امينو اسيد مفيد جدا لمقاومة ومناعة الجسم لفيروس الانفلونزا. .. إلا لو عندنا حساسية منهم ساعتها بس بلاش نأكلهم

⭐الاسطورة بتقول إن البيبسى والكولا مع الاسبرين والمسكنات بتسبب تسمم (افتكاسة)

ده كلام فارغ وملوش اى أساس علمي إطلاقا

---

⭐الأسطورة بتقول ان ممنوع نغلى أو نسخن الليمون أو أى حاجة فيها فيتامين سي لأن الحراره بتكسر الفيتامين (مش صحيح )

الصح : أن بردو مش كل المصادر للفيتامين سي بتتأثر بالحراره ودرجه الحراره بتتفاوت في كل مصدر منها على حسب المدة والنبات… يعني مثلا نبات الفلفل الغني جدا بفيتامين سي لو اتسخن لمدة خمس دقائق كاملين هيفقد 11.7 بس من vitamin C الموجود فيه

على عكس لو اتسخن لمدة نص ساعه هيفقد 64% من قيمه فيتامين سي ..وكذلك الموضوع مع الليمون والسبانخ والجزر

⭐الأسطورة بتقول ان الكاكاو بيعمل ارتخاء للرجال وبيسبب زيادة الوزن(غلط جدا)

الصح ان الكاكاو مفيد جدا للرجال، فهو مضاد للأكسدة ويحتوى على قدر كبير من الطاقة ومنشط … وبخصوص زيادة الوزن فهناك ريجيم اسمه ريجيم الكاكاو
⭐الأسطورة بتقول ان الأندومي بيجب سرطان
الحقيقة انه مش بيجيب سرطان بس بيسد النفس وبيضعف الشهية عن الاكل المفيد وبيقلل المناعة كمان

⭐الاسطورة بتقول أن لو الطفل سخن ممكن ياخد دولفين مع بروفين عادي
الحقيقة لا طبعاً ممكن يدمر الكلي ويعمل قرحة في المعدة كمان
⭐الأسطورة بتقول ان كتر استخدام الفيدروب غلط وبيقفل فتحة النافوخ بدري جداً
طبعاً الكلام ده غلط ده اهم فيتامين في الدنيا ولازم يتاخد في اول ٣ سنين والام الحامل والام اللي بترضع والمرأه في سن اليأس وأي واحد بيشكي من عضمه
⭐الأسطورة بتقول ان البخاخات والجلسات غلط علي الطفل وبياخد عليها
طبعا الكلام ده غلط وكل المصادر العلمية اثبتت ان العلاج الاول والافيد والاقل ضرر هو بخاخات الكورتيزون
⭐الأسطورةً بتقول شرب اللبن كتير جداً مفيد للطفل
الحقيقة ان بعد عمر عام الطفل محتاج في اليوم٢٠٠سم فقط من اللبن يعني كوب واحد من اللبن ولو اخد اكتر من كوب هيسد نفسه عن الاكل وهيجبله انيما
⭐الأسطورة بتقول ان الذبادي ممنوع قبل سن عام علشان بيجيب سكر
الحقيقة ان الذبادي غير كل منتجات الألبان بيتاخد من الشهر السادس لانه يحتوي بكتريا مفيدة جداً هاضمة اليروتين الضار الي بروتين نافع علشان كدة علماء الطب اطلقوا عليه بروتين من الجنة
⭐الأسطورة بتقول انك ممكن تقرئي البوست ده عادي من غير ما تعلقي
الحقيقة انك بنت حلال ومش هتعملي كدة صح يلا صلي على النبي

ولمزيد من معلومات مفيدة وجديدة وأحلى واجمد القصص الطويلة والقصيرة من هنا
انضم الين
ا.د حسام موفي