كل حالة جواها رساله لكل شخص مش راضى عن حياته ..!!
كل حالة جواها رساله لكل شخص مش راضى عن حياته ..!!
🔸 وفاة طلعت زكريا بسبب فيروس نادر مش بييجى غير لواحد ف كل 10 مليون..
🔸 وفاة هيثم احمد زكى الممثل اللى الكل عارفه كان بيعانى من وحدته و طلع قالها صريحه ف برنامج.. بالرغم من كل الناس اللى تعرفه دى..!!
🔸 رامى جمال المغنى المشهور اعلن اصابته بمرض “البهاق”..و اللى صرف عليه كتير عشان يتعالج و مفيش فايده و بيفكر ف الاعتزال..!!
🔸 احمد مكي لما جاله مشكلة كبيرة في الكبد والطحال اتعذب وتعب .. اد ايه المشكله دي خلتو ميقدرش يشرب ميه ووصل لدرجة انه لما بيبلع ريقه بيتعذب .. فضل شهر ونص بيتعالج غلط لحد ماشك ان عنده المرض الخبيث .
وبعد تشخيص تاني عرف ان مرضه صعب جدا بسبب مشكلة الطحال والاكل والشرب كانوا بيتاخدوا محاليل لانه ميقدرش يبلع اي حاجة .
مكي كان بيشوف التلاجه قدامه فيها اطيب ما لذ وطاب بس ميقدرش يقرب منها .
و قصص كتير اخرى ..
كل واحد من دول معاهم فلوس متتعدش..
بس الفلوس معالجتش طلعت زكريا.. ولا خلت هيثم احمد زكي يحس بالونس و يبقاله صحاب.. و لا عالجت رامى جمال..
الفلوس مش بتشترى اغلى الحاجات ف الدنيا ، مش بتشترى الصحه و المحبة و الونس و اللمة و الصحاب و الاهل ، ولا بتحل مشاكل ولا بتزيح هموم ولا بتريح القلب .. ولا بتغنى فقير الروح..
الفلوس ارخص شئ في الحياه ،
لو لسه قادر تمشى على رجلك ، ولسه قادر تضحك من قلبك ، ولسه قادر تنام بليل مرتاح البال ، وعايش وسط اهلك ، ولسه و انت داخل بيتك بتلاقى حد يستقبلك و يشاركك يومك و همومك ، ولسه في صحاب يسندوك..
ولسه في ناس بتطبطب عليك في تعبك، وحواليك لمه و عيله..
يبقى تشكر ربنا الف مرة على كل نعمه من النعم دى ، اللى غيرك بيحلم بربعها و مش قادر يطولها بكل فلوس الدنيا اللى معاه !!
ممكن يكون معاك كل حاجه في الدنيا بس ربنا بيقولك مش هتطول منها حاجه ..
ده اقوي درس انا اتعلمته من رؤيتي لناس على فراش المرض ووجدتهم لا حول ولا قوة لهم واننا لا نألف النعمة .
يعني متعتبرش ان النعم ال ربنا ادهالك دي كلها حاجه عاديه.لازم تشكر ربنا علي كل نعمه عليك وتحس بقيمتها لانه لو اتاخدت منك نعمه واحده بس هترجعله راكع وتقوله يارب رجعهالي ومش هبطل اشكرك واحمدك عليها
كلها نعم ربنا أنعم عليك بيها … اوعي تغفل عنها او تبطل تشكره عليها ..
الحمد لله دائما وابدٱ❤
#cpd