تعرف علي لغز طرحة “عبير الشرقاوي

️ طرحة “عبير الشرقاوي”

بنت المخرج “جلال الشرقاوي”، خريجة جامعة أمريكية قسم مسرح، أشهر أعمالها مسلسل “عمر بن عبدالعزيز”، فنانة ملتزمة ومحترمة لكن حظها سيء، واتصدمت في أقرب الناس ليها

• في جوزها، اللي انفصل عنها ومااداهاش حقوقها وبهدلها في المحاكم هي وابنها، بعد ما كان بيعاملها معاملة بشعة

• وفي أبوها، رغم انه كان بيصرف عليها وعايشة في خيره لحد ما مات، لكن خاصمها وقاطعها لما خدت قرار الحجاب، لأنه بيكره الحجاب والمحجبات

• وفي زملاء المهنة، لما جابتها “سلمى الشماع” و”أسامة أنور عكاشة” بعد حجابها وكانوا بيعصروها عصر ونازلين فيها سلخ دا كله ع شان سترت نفسها ولبست الحجاب، واشترك في الهجوم عليها “محمد صبحي”، اللي زوجته وبنته غير محجبات

• وفي الإعلام دلوقتي والسوشيال ميديا، اللي بيستدرجوها ويسألوها عن رأيها في الأعمال الفنية اليوم، ومجرد ماتجاوب بيخلقوا عداء بينها وبين صناع العمل، ويدبسوها في خلافات ومشاكل، وتضطر هي تطلع تاني تدافع عن نفسها

“عبير” الوحيدة اللي بشوفها بتطلع من غير ميك اب خالص
حتى مافكرتش بعد اعتزالها تعمل فوتوسيشن واحد بالحجاب زي ماغيرها بيعملوا وكأنهم في عرض أزياء
وعايشة حياة بسيطة، على طبيعتها

“عبير” كان أسهل حاجة ممكن تعملها هي إنها تخلع الطرحة اللي مضايقة الكل، ع شان ترضي أبوها اللي غضبان عليها، وترضي الوسط الفني اللي بيشن حر ب عليها، لكن فضلت تحا رب لوحدها قدام كل دول، وتجا هد لدرجة انها وصلت للنقاب ولبسته فترة، ولما ماقدرتش تتأقلم معاه، رجعت للحجاب واكتفت بيه، بندعي لها ربنا يثبتها، ويهدينا جميعا ونبطل نقطع في بعض، للأسف طرحة “عبير” تمنها غالي قوي