تعرف علي الحل السحري لزيت الخروع علي الصحة !!!

زيت الخروع!!!

شالت من على كتفي هم كبير..انا ماعرفش أشخص أي مرض

وكل مادا مابيزيد قناعتي اني أبعد تماما حتى عن الوصف للأدوية البسيطة زي المسكنات

أنا اتكلمت عن بعض الحلول الغير تقليدية أو المنسية زي اليود و الملح الأنجليزي و زيت حبة البركة..النهاردة واحد تاني من الحلول السحرية

زيت الخروع ساحر بمعنى الكلمة..أستعماله خارجي و داخلي

زيت الخروع بيفك أي تشابك..أي عقد أي أورام أي كلكوعة بالبلدي 😄

داخليا يعني بالفم دي خبرة جدودنا

كانو بينصحونا زمان لو فيه دمامل أو خراريج أو أي مشاكل جلدية متكررة كانو بيسموها عفونة بطن!!!

وكانت النصيحة الغالية أضرب زيت خروع على الريق …يعععععع😝😝

طعمه مرعب..أنما هنا السحر بتاعه

ميزة زيت الخروع أنه تقريبا مابيمتصش من جهازك الهضمي

فلما تشربه بياخد الطريق من أوله لأخره..في الطريق أي حاجة مش في مكانها بيدوبها , بيفكها , بيكسرها

لو أصبحت دي عادة صحية عندك هتتفاجئ بالروبابيكيا اللي بتنزلها 😂😂

ناس نزلت حجارة سودا وناس كتير نزلت خيوط زي خيوط العنكبوت , معلش أسف على التشبيه بس ده مش تشبيه دي حقيقة

أنا كمان بنصح أننا نزود عصير ليمون على زيت الخروع لسببين..طعم الحامض بيقلل صعوبة طعم الزيت شوية و كمان ده بيخلي المرارة تشتغل و تفضي عصارتها و دي قصة تانية ماتقلش أهمية عن زيت الخروع نفسه

خارجيا بقى موااااال كبير

في واحد من أكبر المعالجين أسمه أدجار كاايس..بغض النظر عن فكره الفلسفي أنما هو واحد من أعظم المعالجين على مر التاريخ و أساليبه كانت خرافيه ..

المهم زيت الخروع خارجيا…لبخة زيت الخروع هعلمهالك الأول و بعدين أقولك تعمل بيها أيه

ببساطة هي منديل صغير أو بحسب المنطقة المراد أستعمال اللبخة عليها تنقعه في زيت خروع, طبقه و حطه على المنطقة المطلوبة و لفها براب ستريتش أو كيس بلاستيك علشان ماتسيلش على السرير و ممكن تقويها أكتر لو حطيت فوقها قربة مية سخنة

طيب تستعمل في أيه؟

أي ورم, أي تكيسات , أي تشابك أو تعقيد زي القولون العصبي , أي حصاوي زي حصاوي المرارة و الكلى , الكبد بالذات سحر بالنسباله اللبخة دي , أي عقد ليمفاوية متضخمة-طبعا تنضيف الجهاز الليمفاوي موضوع كبير قوي بس هي برضه بتفيد جدا- , أي تجمع انت مش عارف هو أيه بتفيد جدا جدا , الزوائد أو الترسيبات العظمية

أستعملها لمدة قد أيه؟ .. لغاية ما المشكلة تتحل ..بس هتتفاجئ حقيقي لو عندك أي حاجة من أللي أنا ذكرتها فوق بقوة مفعولها..زيت الخروع بيخترق الجلد و يوصل للمنطقة المطلوبة و يؤدي دوره بكفائة شديدة جدا

🌺ملحوظة مهمه جدا : منشورات كتير مبتوصلكيش علشان انتى مبتتفعليش