اصل عباره “هو انت على راسك ريشه”
كلمه بنقلها كتير لما نبقى بنكلم حد شايف نفسه حبتين ، وفاكر نفسه انه مميز غير باقى الناس.
والكلمة دي أصلها مصري ، من زمن قدماء المصريين العظماء ، إللي لاحظوا ان ريشه النعامه هى الريشه الوحيده اللى عدد شعراتها اليمين يساوى عدد شعراتها الشمال فعملوا منها رمز للعدل.
وكانت نتر العدالة “ماعت” ، اللى فى الصوره اللى تحت دي👇 دايما حاطه الريشه دي على راسها.
مش كده وبس ، لأ ، ده الملوك و القضاه كمان حاطو الريشه دي على رأسهم ، لانهم المفروض يكونوا رموز للعدل فى الحكم بين الناس الله عليكي يامصر🥰
